Хүний газар хүслийн мухар нэгэн оронд
Харцаараа инээсэн хөөрхөн бүсгүйтэй би таарлаа
Хажууд нь байхад надад зугаатай сайхан санагдавч
Хамт оршиж чадахгүйд хамаг сэтгэл бачуурна
Орхиод одож чадахгүй ирэн буцан эргэлдэнэ
Оргилох хүсэлдээ дийлдэн таарах учрал үгүйлнэ
Уулзаад яахаа мэдэхгүй ч ухаан жолоогүй тэмүүлнэ
Урагш ахиц үгүй л мөрөөдсөөр сууна би
Нэгэнт бүтэхгүй учрал гээд өөрийгөө хуураад одно
Нэхэл хатуу хөрвөөх сэтгэлээ би золиослоно
Надад ингэж тохиосон заяандаа бас гомдоно
Нэгээр нэмнэ тэгээд гэмгүй аллагынхаа тоог
No comments:
Post a Comment