Хорвоод ховорхон дусах эр хүний нулимсыг
Хорь гарсан хоёр идэр залуугаас харлаа
Хамт сурсан андууд тэд хагацаж салах болоход
Хангайг тээж дийлэх хатан зүрх нь хайлах юм
Хорвоод ховорхон дусах эр хүний нулимсыг
Хажууд минь тэврэлдээд мэгших үнэнч андуудаас харлаа би
Хувь болж тохиосон тавилан заяаны эрхээр
Хамтдаа бүхнээ хуваалцсан хосгүй андууд салахад нь
Хорвоод ховорхон дусах эр хүний нулимсыг хараад
Хөтөл цээж минь давчдаж хоёр нүд минь харанхуйлав
Хайрлаж нөхөрлөж дассан ижилгүй андуудаасаа сална гээд
Хоёр нүд минь бүрхэж нулимсаа би тэвчсэнгүй ээ
No comments:
Post a Comment